Занятие на тему «Ақымақ қасқыр»

Білім беру саласы:«Коммуникация»

Бөлімі: «Драма»

Тақырыбы:«Ақымақ қасқыр»қазақ халық ертегісін сахналау.

Мақсаты: Балаларда сахналау дағдыларды қалыптастыру.

Міндеттері:

БМ: Балаларды ым мен қол қимылын қолданып, диалог құруға үйрету; негізгі сезімдерін сезінуге және білдіруге ойын-этюдтарға үйрету

ДМ: Шығармашылық ынталарын, қиялдарын, суырып салмақ дағдыларын дамыту.

ТМ: Көрермендер мәдениетін, қазақ халық ертегілеріне деген қызығушылықтарын тәрбиелеу.

Қолданатын құралдар:қоянның суреті,ертегі кейіпкерлерінің бетперделері.

Сөздік жұмыс:ақымақ.

Көптілдік компонент:қасқыр-волк-wolf,қой-овца-sheep.

 

Күтілген нәтиже:

Біледі:ертегідегі қасқырдың ақымақтығын, қой мен ешкінің ақылдылығын.
Игереді:ертегідегі жағымды ­жағымсыз кейіпкерлерді ажыратуды.
Меңгереді:ертегідегі кейіпкерлерінің дыбыстауын, жүрісін 
қимылмен көрсетуді.

 

 

«Ақымақ қасқыр» ертегісі

Өрісте жайылып жүрген қойлардың ішінен бір арық қой артта қала береді. Оған қасқыр кездесіп: сені жеймін,-дейді. Қой айтады: -арық мені жегенше, одан да мені босат, мен саған қозымды әкеліп берейін, -дейді. Қасқыр қойды қоя береді. Қасқыр қойдың қозысын күтеді. Бірақ қой да, қозы да жоқ. Қасқыр ойлайды:- қой баласы момын ғой, алдауды білмеуші еді, сірә оны ешкі азғырған шығар,-дейді. Барып көрейін деп кетеді. Таудың жанына келсе бір ешкі жүр екен, көп қойда, қойшы да алыста екен. -Іздегенім сен едің,-деп ешкіге бас салады. Сол кезде ешкі: атаң да, анаң да жақсы еді, қой тұрғанда, ешкі жемеуші еді. Мен тойда билеп торқа киген ешкімін деп айтады. Ешкі билейді деп естімеппін, көрсет онда өнеріңді. Онда аяғыма қара да тұр мен билейін дейді. Ешкі секіре-секіре көп қойдың ішіне кіріп кетеді. Сол арада қойшы келіп ешкі аман қалады.