МБОУ «Средняя общеобразовательная школа» с. Объячево
Варгöс Мишук.
Мойдса вöрын олiс – вылiс том ош, кодöс нимтiсны Мишукöн. Ок и дыш жö сiйö вöлi, лун – лун быглясис туруна эрд вылын.
Кыдзи и быд звер – пöткалöн эм аслас тырмытöмторъяс, сiдз и Мишуклöн вöлi. Зэв нин ёна радейтic сiйö ма. Ма радейтiс, а ветлыны сыла дышöдчис.
Öтчыдысь туруна эрд вывтi котöртiгöн ошлы юрас воис мöвп, кыдзи мала ветлöмсö позьö кокньöдны. И смелмöдчис варгöс Мишук лöсьöдны ассьыс вöрса пасека ыджыд сöстöм эрд вылын, кодi волi зэв небыд, быттьö шöлкысь кыöм джодждöра, да тыртöма быдсяма мича дзоридзьясöн.
Мöвпыштiс Мишук: «Мыйысь жö ме вöча мазiяслы оланiн? Гашкö кыдз пу чуркаысь? Колö видлыны!» Эз эшты мудер пемöс синнас лапнитны, кыдзи оланiн мазiяслы вöлi дась. Сувтöдалiс найöс эрд выв пасьта.
Бара на ош кутiс юр жугöдны: «Кытысь нö меным мазiяссö босьтны?» Тайö кадö друг кылiс, мый кодкö неылын дзизгис. Тайö вöлiны мазiяс, найö корсисны аслыныслы оланiн.
Мöвпалöм бöрын Мишук корис найöс ас киöн вöчöмтор дiнö:
- Лэдза тiянöс выль гортъясад, но кутанныд кö меным ма дасьтыны!
Мазiяс видзöдлiсны пасекасö – лöсьöдчисны ошкöд.
Мунiсны лунъяс, и дзизгысь гагъяс кутiсны вайны ошлы ма. Ок и чöсмасис мудер пемöс юмовторнад, лун да вой радлiс. Недыр мысти маыс лоис сэтшöм уна, мый Мишукыд эз нин вермы ставсö сейны.
Бара на кутiс мöвпавны: «Колö мыйкö вöчны юмовторнад!» И думыштiс сетны вöрса зверъяслы. Воис руч мала, а водзöс вылö вайис чери. Сэсся – кöч ыджыд кöрзина вотöсöн. Бöрас – урсус пу кольöн тыра пестерöн да мыш выв тыр тшакöн ёж. Тадзи и кутiс сёяныс ачыс воны варгöс ош дорö. Татшöм ногöн, бур запас дасьтiс сiйö тöв кежлö! Имедкöдзыд рытъяснас пыр пöт да шуда! И öнi на век олö-вылö да радлö Мишук тайö мойдса вöрын!
