В.А.Уваровскай аатынан аһаҕас чемпионат аһыллыытын сценарийа

В.А.Уваровскай аатынан аһаҕас чемпионат аһыллыытын сценарийа

23.03.2019

ВЕД: Үтүө күнүнэн ыраахтан – чугастан ыҥырыллан кэлбит ытык – мааны ыалдьыттар!

ВЕД: Күндү үөрэнээччилэр, тренердэр, ыалдьыттар, учууталлар!

ВЕД: Бүгүҥҥү өрөгөйдөөх үтүө күҥҥэ оскуолабыт выпускнига, учуутала Владислав Алексеевич Уваровскай сырдык кэриэһигэр аналлаах волейболга аһаҕас чемпионат аһыллыбытынан ис – сүрэхтэн эҕэрдэ эгэлгэтин, үтүө санаа үтүмэнин, баҕа санаа бастыҥын аныыбыт!

ВЕД: Эһигини барыгытын Өлүөнэ өрүс алын тардыытыгар, хаҥас биэрэгэр төбүрүөннээн олохсуйбут, кэрэ – мааны айылҕалаах, үлэһит – сайаҕас дьоннордоох Сииттэ нэһилиэгэр үктэммиккитинэн урааҥхайдыы уруй, сахалыы айхал буолуохтун!

(фоновай музыка)

ВЕД: Бүгүҥҥү волейбол аһаҕас чемпионатыгар биһиэхэ күрэхтэһэ кэллилэр:

ВЕД: Куокуй орто оскуолатын сүүмэрдэммит хамаандата, тренер

ВЕД: 1-кы нүөмэрдээх Сангаар орто оскуолатын сүүмэрдэммит хамаандата, тренер

ВЕД: Уонна көрсүөххэйиҥ, В.Е.Колмогоров аатынан Сииттэ орто оскуолатын сүүмэрдэммит 1-кы, 2-с хамаандаларын, тренер Охлопков Иннокентий Лазарьевич

ВЕД: Бары хамаандаларга дохсун ытыс тыаһа! Капитаннары былаах таһаарыытын үөрүүлээх түгэнигэр ыҥырабыт

(Гимн тыаһыыр, капитаннар тахсан былаах таһаараллар)

ВЕД: Эһигини эҕэрдэлиир Владислав Алексеевич кыыһа, Уйгулаана Уваровская.

ВЕД: Бу саалаҕа мустубут ыалдьыттары эҕэрдэлииллэр “Кустук” вокальнай ансаамбыл оҕолоро “Ырыа барахсан”

ВЕД: Эҕэрдэ тыл бэриллэр Сииттэ нэһилиэгин баһылыгар, Владислав Алексеевич бииргэ үөрэммит табаарыһыгар Айсен Степанович Захаровка.

ВЕД: Эҕэрдэ тыл барар кылаас салайааччытыгар Сивцева Анна Лазарьевнаҕа

ВЕД: Дьиэ кэргэнин аатыттан тыл бэриллэр, аҕатыгар Уваровский Алексей Егоровичка.

ВЕД: Тыл бэриллэр бүгүҥҥү аһаҕас чемпионат сүрүн судьуйатыгар Петров Гаврил Кирилловичка

ВЕД: Манан волейбол аһаҕас чемпионатын аһыллыытын үөрүүлээх чааһа түмүктэнэр, аҕыйах мүнүүтэнэн күрэхтэһиибитин саҕалыыбыт.

В.А.Уваровскай аатынан аһаҕас чемпионат сабыллыытын сценарийа

ВЕД: Владислав Алексеевич Уваровскай сырдык аатыгар ыытыллыбт волейболга аһаҕас чемпионат түмүктүүр чааһыгар ыраахтан – чугастан ыҥырыллан кэлбит хамаандалары залга ыҥырабыт.

ВЕД: Бүгүҥҥү чемпионат кыттыылаахтарын эҕэрдэлииригэр тыл барар Сииттэ орто оскуолатын сүүмэрдэммит хамаандатын тренерыгар Охлопков Иннокентий Лазарьевичка

ВЕД: Эҕэрдэ тыл бар Сииттэ нэһилиэгэ МТ баһылыгын солбуйааччытыгар Степанов Петр Петровичка.

ВЕД: Тыл бэриллэр бүгүҥҥү аһаҕас турнир сүрүн судьуйатыгар Петров Гаврил Кирилловичка

(Награждениелар, баҕалаах дьоҥҥо биирдиилээн тыл бэриллэр)

ВЕД: Күндү күрэхтэһии кыттыылаахтара, убаастабыллаах тренердэр! Биһиги оҕобут, коллегабыт, учууталбыт, бииргэ үөрэммит табаарыспыт Уваровскай Владислав Алексеевич сырдык аатыгар ыытыллыбыт аһаҕас турнирга кэлэн кыттыыны ылбыккытыгар, биһигини өйөөбүккүтүгэр, күүс – көмө буолбуккутугар Сииттэ нэһилиэгин дьонун – сэргэтин аатыттан дириҥ махталбытын тиэрдэбит.

ВЕД: Баҕарабыт эһиэхэ сир үрдүгэр баар бары кэрэни, алгыс тылынан уруйдуу – айхаллыы туойабыт, аҕыс айыыһыккыт аргыстастын, сэттэ иэйиэхсиккит эҥэрдэстин, мэлдьи ситиһии эрэ сиэттистин, куруутун дьол – соргу эрэ тосхойдун, дьоллоох, доруобай буолун! Аныгыскы көрсүөххэ диэри!

(Уопсай хаартыскаҕа түһүү)