Внеклассное меропрятие

Кылö Коми Республикалöн кып (гимн).

В. А. Савин «Варыш поз»

Ставöн кывзöны сувтöмöн.

Велöдысь:

Челядьлöн вочакыв.

Велöдысь петкöдлö презентация «Ас му вылын».

Дöска вылын гижöд:

S (площадьыс) = 416,8 сюрс км2

Олысьыс (населениеыс) – 1185 сюрс морт

Комияс – 26,3 %

Рочьяс – 57,7 %

Украинечьяс – 7,2 %

Белорусъяс -1,8 %

Москвасянь Сыктывкарöдз – 1410 км

Велöдысь:

Челядьлöн вочакыв.

Портрет петкöдлöм.

1 велöдчысь лыддьö кывбур.

Велöдысь:

Велöдысь петкöдлö презентация «Найö олöны миянкöд».

«Уна рöма лентаяс» ворсöм.

Челядьлöн вочакыв.

«Тар койт» ворсöм.

«Чужан сикт» Л. Логиновалöн сьыланкыв шы улын 2 велöдчысь лыддьö В. Лодыгинлысь кывбур

Челядьлöн вочакыв.

1 велöдчысь висьталö Сордйыв йылысь.

Велöдчысьяс висьталöны А. Шебыревлысь «Помосдин» кывбур.

4 велöдчысь висьталöны Помосдин йылысь.

Велöдысь петкöдлö выставка вылысь челядьлысь серпасъяссö.

Велöдысь:

Занятиелы кывкöртöд:

Портрет петкöдлöм.

Л. Логиновалöн «Менам чужанін» сьыланкыв

Мый ті öні кывзінныд? Кутшöм войтырлöн тайö кыпыс? Мый ті верманныд висьтавны сы йылысь, мый тöданныд?

Миян Коми муным зэв ыджыд. Сылöн территория вылö вермас тöрны некымын неыджыд государство. Ёна важöн Коми мутö вöлі шуöны Зырянскöй крайöн, ёна-ёна важöн Биармияöн. А öні – Республика Коми.

Ті унатор нин тöданныд Коми му йылысь, но нöшта унджык верманныд тöдмавны талунъя занятие вылын, сылöн важ да öнія олöмсьыс.

Миян муын гожöмыс зэв дженьыдик - пышкайлöн воськов кузьта; кöдзыдъясыс нелямын градусöдз; гожöмыс номйöсь, гебйöсь… А ми радейтам ас чужан мунымöс! А мыйысь эськö?

Нималана коми гижысь Г. Юшковлы сюрöмаöcь сэтшöм мича, сьöлöмö йиджтысяна кывъяс.

Меным мусаöсь ю вылын гыяс,

Джуджыд турунöд писькöдчысь шор,

Парма весьтасын ыпъялысь кыа,

Небыд лун тöвкöд окасьысь кор.

Меным мусаöсь гулыд веж ягъяс,

Еджыд чышъянöн павкнитчöм вой,

Муöдз öшöдчöм сыръяса садъяс,

Асъя лысвалöн тіралысь войт.

Меным мусаöсь вадорса бияс,

Рытъя енэж, код пасьтала лöз.

Меным мусаöсь гаддясьöм кияс,

Ывла удж вылын гожъялöм йöз.

Збыльысь, ми тані чужим , быдмам; тані олöны миян мам-бать, рöдвуж; тан миян керканым, йöрным, ёртъясным, миянлы дона да муса кывтöм пемöсъясным, кодъяс чуксалöны радейтны асьнысö.

Олöны Коми муын уна национальностя йöз, но вужвойтырнас лоöны комияс: вежавидзысьöсь, зільöсь; радейöны сьывны-йöктыны, гажöдчыны.

Ми тіянкöд ворсыштам, гажöдчыштам жö. Менам киын уна рöма лентаяс. Кодлы кутшöм сьöлöм серти – бöрйöй помъяссö: шуйгавывсяньыс – зонкаяс, веськыдвывсяньыс – нывкаяс. Музыка улö ми тіянкöд йöктігмоз бергалам, а кор музыка лöняс – тіянлы колö лентасö сюся гартны да аддзыны аслыныд пöв (пара).

Комиясöс важысянь вердö вöр. А мыйöн?

Чужас вöлі кага, юасьöны «Вотчысь али кыйсьысь чужис?» А öні ме кора детинкаясöс ворсыштны. Ті öні кутанныд петкöдлыны тар койт. Лоанныд таръясöн. Койт вылас (тулыснас овлö) ай таръясыс, сьöд таръясöн шуöны, петкöдчöны инь таръясыслы (кöнтаръясыслы), коді медъён, медмича. Найö чуфкайтöны, морöс на морöс усьласьöны; юрсö, бордсö лэдзöмаöсь, бöжсö веерöн паськöдöмаöсь, кытшъясöн ветлöны, чеччалöны. А ми нывкаяскöд кутам бöрйыны медмичаа йöктысь сьöд тарсö.

Юын чери быдсöн пуис,

Вöрын вотöс вöлі тыр!

Татчöй пукся! – мортыд шуис,

Бöрйис нöрыс, бертіс мыр.

Пуктіс керка лунö банöн,

Кöні чужис ныв и пи.

Тадзи-й пуксис олöм тані,

Тадзи-й лоим тані ми.

Тіян пöрысь пöль-пöчьясныд овмöдчылöмаöсь Выльгорт да Сордйыв грездъясын, Помосдин сиктын. А мыйла найö бöрйöмаöсь тайö местаяссö?

Дона гöсьтъясс помосдинсаяс номсöдлісны пöсь шаньгаöн да чериняньöн. Пызан вылö лэптывлісны пражитöм чери да пöткаа шыд, сола тшак да юмов варенньö. Ворсыштамöй «Гöсьтъясöс коралöмысь». Сувталöй гозйöн-гозйöн öта-мöд бöрсяныд да кутчысьöмöн лэптöй кияснытö. Музыка шы улас öти морт мунö гоз костöдыс да бöрйö аслыс гоз (пара), сэсся выль артмöм параыс сувтö медбöрö, а паратöм велöдчысь мунö кияс увтіыс да бöрйö аслыс гоз.

Майбыр, помтöг позьö сёрнитны ас чужан му йывсьыд. Ті, посни войтыр, быдманныд да водзö кутанныд нуöдны сійö уджсö, кодöс панісны пöль-пöчныд, бать-мамныд. Лоанныд Чужан мутö мичмöдысьясöн, кутанныд тöждысьны сы понда.

Мый выльторйöн лои тіянлы талунъя занятие вылын?

Мый йылысь окота лоис висьтавны гортаныд мам-батьныдлы?

Мый йылысь нöшта на содтöд ті кöсйинныд бы тöдмавны?

Окота помавны миянлысь сёрнинымöс Коми республикаса народнöй поэт Серафим Поповлöн кывъясöн:

Паськыд да зэв мича

Миян Чужан му.

Велöдчöй ті видзны

Дзик быд шор да пу.

Медым помтöм-дортöм

Озырлуныд эм,

Радлун ваяс мортлы

Лыдтöм уна нэм!