Конспект урока на родном (даргинском) языке на тему «Прилагательное тикрарбарни» (5 класс)

Тема: Прилагательное тикрарбарни

Дарсла мурад: прилагательное тикрарбарни; декIар – декIарти кьяйдурти дузахънила шайчирти бурсидешуни дебадирути жура – журала бяркъла хIянчурби дурадеркIни; мухIлила ва белкIла гъай гьаладяхI ардукни;

Дарсла башри. Класс дарсличи ХIядурбарни.

-Салам,никIа дучIанти,

Салам,ахIерти дурхIни,

Шалатили адулхъаб

ХIушаб гьар дусла бурхIни!

- ИшбархIи февральла вецIну шура саби. Нушала дарган мезла лукIнила дарс саби. Гьанна хIердизирая, дурхIни, “ХIябцIанну гехIра попугай» бикIуси мультфильмлизибадси бутIаличи ва пикридухъеная, селичила гъайдикIехIел нуша ишбархIила дарсличир…

-Сегъуна?

- ГIеркъаси…

-ПикрибяхIчиаая, дурхIни, гIергъити дугьбачи. Чили ва се бурес вирару илди дугьбачила? (ДурхIяла жаваб). СекIа лишан чебиахъуси гъайла бутIалис се бикIусирил чили вирару бурес?

-ДурхIни, хIушала пикри хIясибли, селичила гъайдикIехIев нуша ишбархIила дарсличир?

- Бархьли саби, дарсла тема “Прилагательное тикрарбарни» саби.

Дарсла мурад: прилагательное тикрарбарни; декIар-декIарти кьяйдурти дузахънила шайчирти бурсидешуни дебадирути жура-журала бяркъла хIянчурби дурадеркIни; мез давлачердирути, мягIничердирути, саркъахъути мезла гIягIниахъала гьандикахъни, мухIлила ва белкIла гъай гьаладяхI ардукни.

Прилагательноеличила баян тикрарбарни.

- Чили вирару бурес, се бикIусирил секIа лишан чебиахъуси гъайла бутIалис?

ДурхIя: СекIа лишан чебиахъуси гъайла бутIалис прилагательное или бикIар.

-Баргьси саби, прилагательноели секIа лишан чебиахъу. Гьари бурая лебтанилра саркъахъили, прилагательноели секIа лишан чебиахъу или.

- Сегъунти суалтала цалис жаваб луга илини? (ДурхIяла жаваб)

II. -Нушани бурибси кагахъес лукIехе дугьбала диктант. ХIердарая суратуни ва сегъуна-биалра лишан гьар секIа гьанбушили, делкIеная дугьбала цалабикуни. Масала: Се саби нушани чебиуси? Ил сегъуна рангла саби?... (ХIунтIена гIинц, хьанцIа урхьу, шиниша кIапIи, берцIибси хъяр, жагаси кIана, халаси къабакъ).

III. -ХIердизирая гIергъити суратуначи ва бурая, сегъунти лишантачил илди декIардулхъулил?( Бухъяна-къантIа, халаси- биштIаси, бягIуси- чIярта, ахъси-гIяшси)

- ДурхIни, се бикIару илдигъунти дугьбас мезлизиб?

IV. - Гьанна-биалли чумал девла кумекличил ца лишан сипатбарая.

(Кахси- урухиэси, декIси-зугьаси, къугъаси- жагаси, жяргаси-нясси).

V. -Прилагательное сунезиб жинсла гIяламат леббиалли, жинс хIясибли барсбикIуси саби. В Р Б

…абза урши

…абза рурси

…абза жуз

Пикридухъеная ва бурая сен-сен делкIалли дархьлил чедирти хIурпри удирти дугьбала цалабикуназир?

Жинсла гIяламат сунезиб агара биалли, прил-е барсхIебикIар.Масала: ахъси урши, ахъси рурси, ахъси галга. (ДурхIнази мисалти дурахъес).

VI. Арадеш мяхIкамбирнила чебкадси хIянчи. Физкультминутка

-ЛехIдизирая, дурхни. Нуни? гIяхIти дурхIни? кадиирая асли, хIушани дила ибси бируси саби. Нуни, дурхIни, кадиирая асли , ибси бируси ахIен. (ХIязла тяхIярли, дугьбазиб прилагательное бузахъули ва ил уббалтули, прилагательное уббатурхIели ибси барибси хатIаикнилизи бейгIес ва суал тикрарбарес, дурхIяли аргъесли, дугьбазиб прилагательное агни ва ибси барес хIяжатдеш агни). Илкьяйдали ца-чумал хъарбакь дарахъес ва кабиахъес.

VII. МухIлила гъай гьаладяхI ардукни. Аудирование.

-ГIяхIил лехIдизирая дурхIяли неш-дудешличи бархьибси кагъарличи.

Мульфильмлизибад бутIа чебаахъес

- ХIушала гьалаб леб гили кагъар. КIунтIрала мерла урдатурти прилагательноеби кадатирая.

VIII. Чебиуливан, прилагательноебала кумекличил нушани секIа сегъуна – дигара лишайчила багьес, бурес дирулра. Илдани мез жагадирули сари ва давлачердирули сари. Мез саркъахъути гIягIниахъала сари буралаби ва багьираби. Багьирабазиб секIа сегъуна-биалра лишан гьанбуршу ва адам пикриулхъахъу, илала пикрила, гIякьлула хIялумцIу.

ДурхIни, хIушанира дирутира багьираби дучес. Дила някълабси се саби?(Телефон) Адамлис ил селис хIяжатси? Ил сегъуна саби? ЛукIехIе ца гьатIи багьира. Саби биштIаси-биаллира, адамла халаси мурад бирул.(Телефон) ХIера илкьяйда хIушани дируда пикридирес багьираби ва зилан дурхIни пикрибухъахъес дурхьес «Лачин» журналлизи.

IX. Саркъахъили бучIнила ва белчIунси урус мезличи шурбалтнила чебкадси хIянчи дураберкIни.

-ГIямрула сегъуна-биалра анцIбукьличила къантIли, чебетаахъили буруси насихIятлис бурала бикIар. Буралаби дузахъуси адамла гъайличи лехIирхъес тIягIямли бирар.

ДелчIеная буралаби. Севан иргъулра хIушани илди?

*ГIяхIси жуз белчIни – гIякьлучевси гьалмагъличил гьуниваънигъуна саби.

*ГIямру муритира сари кьутIкьутира сари.

*БалхIебалуси гьуни занзбар вацIагъуна саби.

*Жанничиб гIязизси селра лебси ахIен.

*Бялхъя мухIлила вегIла гIякьлу хIебирар.

*ГIякьлуагарси бекI душмайчибра вайси саби.

X. -Дугьби дархахъили гибти предложениеби дархьдарая ва делчIеная.

БугIярси гIинц бакIиб.

Муръиси яни беркунра.

Житани бизиси кьацI берцIиб.

Нешли биштIаси ваца буциб.

XI. БелкIла гъай гьаладяхI ардукни. ХIербарая янила сурат ва ца- хIябал предложение делкIеная.

Сегъуна яни бакIиба?

Сецад дяхIи бариба?

ДурхIни сен-сен гьунибаиба янилис?

Сегъунари янила гьава?

XII. Прилагательное барсбикIуси саби лугIи хIясиблира. Барая цалихълизибад дахълихъ.

Цалихъ дахълихъ

ЦIикIси -

сагаси -

муриси -

ванаси -

XIII. -Гамила сурат дугьбачил (прилагательноебачил) берхьес.

XIV. Рефлексия ва итогуни.

Кьиматуни кадатни.

XV. Хъули хIянчи

Дила кьакьа

(биштIаси сочинение)

бягIуси-чIяртIа

гIеркъаси-къантIа

ахъти-гIяшти (хъулри)

халати-диштIати (галгуби)

-Адизирая, дурхIни!

Багьудлумала хIурхъи

Ахъаба тякхIедухъи,

ГIилмула мурхьси лутIи

КъяйцIбараба черхIелкIи!

Ишичиб дарс таманбиуб. ХIушаб бархIи гIяхIдираб!