Инсценировка «Модун Эр Со5отох XXI уйэ5э кэлиитэ»

Модун Эр Соҕотох 21 үйэҕэ кэлиитэ.

(Экологическай хайысхалаах инсценировка)

Оруолларга:

Модун Эр Соҕотох

Бүөккэ Уйбаныап

Кыыс

Үрүҥ Аар Тойон

Оҕолор

(Модун Эр Соҕотох атын сиэтэн хонуу устун хааман иһэр.

Утары Бүөккэ тиийэн кэлэр).

Бүөккэ: Дорообо, доҕор. Киинэҕэ уһулла сылдьаҕын дуу?

Модун Эр Соҕотох: Дорообо. Алааспар айаннатан иһэбин. Эн тугу ыйыппыккын өйдөөбөтүм.

Бүөккэ: Оччоҕо тоҕо бухатыыр таҥаһын кэтэ сылдьаҕын?

Модун Эр Соҕотох: Мин күн аайы таҥнар таҥаһым ээ бу. Хата бэйэҥ дьиибэ таҥастааххын дии. Хантан кэллиҥ бу Орто дойду улай киинигэр? Арааһа абааьы уолаҕын дуу, хайдах дуу?! Кырдьык да кубулунан тураҕын быһыыта!

Бүөккэ: Абааһы уола диэни Олоҥхолоох остуоруйаҕа эрэ истээччибин. Айыы бухатыыра да Олоҥхо5о эрэ баара ээ.

Модун Эр Соҕотох: Дьэ мин Сир Сабыйа тойон аҕалаах, Сабыйа баай хотун ийэлээх Модун Эр Соҕотох диэн ааттаах Орто дойдуну көмүскүүр ытык аналлаах айыы бухатыыра буолабын.

Бүөккэ: Тыый, хайдах хайдаҕый? Мин Бүөккэ Уйбаныап диэн Бөрөлөөх оскуолатын 5 кылааһын үөрэнээччитэбин.

Модун Эр Соҕотох: Тыый, хайдах хайдаҕый? Аны дьон ийэтэ, аҕата суох төрүүр буолбуккут дуу?

Бүөккэ: Ийэ, аҕа барыта баар.

Модун Эр Соҕотох: Оо, ханна-ханна кэлэн хааллым буолла, доҕоттоор!

Үөһээ дойду диэхпин Үөһээ дойду буолбатах,

Аллараа дойду диэхпин атын,

Орто дойдубар турабын диэхпин эмиэ да мунаах.

(Кыыс сүүрэн кэлэр).

Кыыс: Бүөккээ, убаай, бу кимий?

Буеккэ: Айыы бухатыыра Модун Эр Соҕотохпун диир дии.

Кыыс: Ээ, оччоҕо мин билэбин. Модун Эр Со5отох диэн ааты киниэхэ Үрүҥ Аар тойон ыйааҕынан биэрбиттэр.

Модун Эр Соҕотох: Кэрэ кыыс, ону эн хантан билэҕиний?

Кыыс: Олоҥхоҕо оннук кэпсэнэр дии. Эн кимҥиний? Модун Эр Соҕотох оруолун толоро сылдьаҕын дуу? Саҥа киинэ усталлар дуо? Быйыл киинэ сыла дии.

Модун Эр Соҕотох: О5олоор, бу ханнык дойдуга кэлэн турабыный? Этиҥ эрэ.

Бүөккэ: Бөрөлөөххө кэлэн тураҕын. Олоҥхо тылынан эттэххэ Орто дойдуга турабыт.

Модун Эр Соҕотох: Дьэ, дьиктигэ тубэстим.

Орто дойдуга төрөөн,

Үөһээ дойдуга уһуйуллан,

Аллараа дойдуну кыайан олох олоробун дэммитим

өссө атын дойду баар эбит дуу?!

Бүөккэ: Арааһа «Машина времени» курдук буолбут быһыылаах. Бухатыыр, эн 21 үйэҕэ кэлэн хаалбыккын. Эһиги былыргы кэмҥэ олорбут олоххут билигин Олоҥхо5о эрэ ойууланар.

Кыыс: Кырдьык – кырдьык, оннук буолбут быһыылаах. Кэмпиэти билэр эбит дуу, суох дуу. Мэ, күндүлүүбүн. Кэмпиэттэ амсай

(Кэмпиэт биэрэр)

Модун Эр Соҕотох: Амтаннаах аһы амсай диэччилэр. Эн тугу биэрдиҥ буолла. Дьэ, кырдьык үйэ уларыйбыт эбит. Бу туох сыта салгыҥҥа кэлэрий?

(Салгыны сытырҕалыыр)

Бүөккэ: Ээ, ити котельнайы отуннулар. Конденсат сыта.

Модун Эр Соҕотох: Аата сыта куһаҕанын. Маннык сыт барбатах балык миинин курдук бүдүө-бадыа сырдыктыктаах, кэлтэгэй куннээх-ыйдаах Аллараа дойдуга сырылаан туһэн истэххэ кэлээччи.

Кыыс: Ээ, ол сир сааһыгар нефть, газ сыттаҕына оннук сыт кэлэрэ чахчы буоллаҕа.

Бүөккэ: Оҕолоу ыҥыран аҕалыахха. Айыы бухатыырыгар билиҥҥи олоҕу көрдөрүөххэ.

(Кыыс барар)

Модун Эр Соҕотох: Бу этэрбэһин оһо кылгаһын, тиҥилэҕэ кытаанаҕын. Хайдах манан хаамаҕын?

Бүөккэ: Бу кроссовка дэнэр. Кыһын тымныыга уһун остоох унтууну эбэтэр хаатыҥканы кэтэбит.

(Оҕолор сырсан кэлэллэр)

Кыыс: Дьэ, о5олоор, бу айыы бухатыыра Модун Эр Соҕотох. Кини былыргыттан билиҥҥи кэмҥэ баар буолан хаалбыт.

(Велосипедтаах уол баар)

Модун Эр Соҕотох: Оо, бу тугуй?! Абааһыга диэри тоҕо соҕотох муус харахтааҕый?

Уол: Бу миинэр көлөбүт велосипед буолар.

Модун Эр Соҕотох: Тугун дьиктитэй! Мин миинэр көлөм аллаах атым буоллаҕа дии.

(Биир оҕо телефонунан кэпсэтэр)

О5о: Оҕолоор, манна былыргы кэмтэн Модун Эр Соҕотох бухатыыр баар буолан хаалбыт. Онтон-мантан дэлби соһуйбут. Эһиги сахалыы таҥаскытын кэтэн кэлиҥ. Саатар ону көрөн былыргыттан бу баар эбит диэн үөрдүн.

Модун Эр Соҕотох: Ити тугу кытта кэпсэттиҥ?

О5о: Оҕолору кытта телефонунан кэпсэттим.

Модун Эр Соҕотох: Дьэ, дьикти-дьиибэ дойдуга кэлбиппин дии. Аны тимири кытта кэпсэтэн баран оҕолору кытта кэпсэттим дииллэр.

О5о: Мэ, көр эрэ.

(Телефону биэрэр)

Модун Эр Соҕотох: Оо, тугун дьиктитэй! Хайаа, харахпын уһулу тардан ылыах курдук дии. Хараҕым ыарыйда.

Бүөккэ: Ээ, ити телефоҥҥа үөрэммэтэх буоланнын итинник.

(Сахалыы таҥастаах оҕолор кэлэллэр. Бары төгүрүччү олорунан кэбиһэллэр)

О5олор: -Хайыа, круто дии. Айыы бухатыыра илэ бэйэтинэн кэлбит.

- Жесть дии.

- «Машина времени» курдук дии.

(Телефонунан хаартыскаҕа түһэрэллэр)

Модун Эр Соҕотох: Дьэ, о5олоор, көрбөтөхпүн көрдүм, истибэтэхпин иһиттим.

Орто дойдубут уларыйыы бөҕөтүн уларыйбыт эбит.

Бу оҕолор эмиэ да биһиги үйэбит оҕолоругар маарынныыр курдуктар да эмиэ да атыннар.

Бүөккэ: Модун Эр Соҕотох, көр эрэ, бу хаартыска диэҥҥэ түстүбүт. Бу эн олороҕун.

Модун Эр Соҕотох: Оо, тугун дьиктитэй! Бу мин дуо?! Бу эһиги дии. Мин күлүкпүн ууга эрэ көрүнээччибин.

Кыыс: Оҕолоор, Модун Эр Соҕотоҕу лааҕырга учууталларбытыгар билиһиннэрэ илдьиэҕин.

О5олор: Давай, давай, бардыбыт.

- Хата киинэтэ устуоҕун.

(Оҕолор бараллар. Уруҥ Аар Тойон тиийэн кэлэр)

Уруҥ Аар Тойон:

Орто дойдубут олоҕо тубуста дэһэбит да,

Икки атахтаах олох суолун ортотунан сылдьыбакка,

Төрөөбүт айылҕабыт айгыраары гынна,

Төрөтөр оҕобут төлкөтө түҥнэстээри гынна.

Орто дойдум дьоно-сэргэтэ!

Олорор сирбитин харыстыаҕыҥ!

Өбүгэ өһүн хоһоонун тутуһуоҕуҥ: Олорор маһын мутугун кэрдимэ!