«Сабақ барысында сын тұрғысынан ойлау элементтерін пайдалана отырып оқушылардың функционалдық сауаттылығын дамыту»

Аудандық семинар:

Тақырыбы: «Сабақ барысында сын тұрғысынан ойлау элементтерін пайдалана отырып оқушылардың функционалдық сауаттылығын дамыту»

Мақсаты: Сабақта сын тұрғысынан ойлау элементтерін қолдану арқылы функционалдық сауаттылықты дамыту

Өткізілетін уақыты: 15.03.2017ж

Өткізілетін орны: Бұқаржырау ауданы «Шешенқара орта мектебі КММ»

Сабақтың типі: шеберлік сабақ

Тақырыбы: «Фунционалдық сауаттылықты топтық жұмыста жүзеге асыру жолдары»

Көрнекілік: интербелсенді тақта, таратпа қағаздар,флипчарт, сарамандық жұмысқа арналған приборлар.

Рефлексивті есеп

Қазіргі уақыттағы жаңа педагогика ғылымындағы проблема ол – оқушылардың пәнге деген қызығушылығын арттыру болып табылады. Жаңа технологияның әдіс – тәсілдері оқушылардың білімін толықтыруға көмектеседі. Осыған орай озық тәжірибе, жаңа технологияның тиімді әдістерін таңдап алып, оларды үйлесімді, тиімді және шығармашылықпен пайдалану – ұстаз шеберлігінің белгісі. Ұстаз ретінде оқытып жүрген оқушыларымның ерекшеліктерін зерттеп, біліп алған соң ғана, оларды даму деңгейіне орай әдіс – тәсілдерді іріктеп, талдап қолдануға, жетілдіруге ерекше назар аударып келемін.

 «Ақпараттық-коммуникациялық технологияны қолдану заттар туралы толық түсініктің қалыптасуынына ықпал етпегеннің өзінде, қазіргі заманғы инновациялық технологиялар заттар туралы жаңа, алуан түрлі түсінік қалыптастыруды және осы түсініктерді басқарудағы ауқымды икемділікті қамтамасыз ете алады» («Мұғалімге арналған нұсқаулық» 64 бет). АКТ-сіз әсерлі сабақ беру мүмкін емес. Ақпараттық-коммуникациялық технология мүмкіндіктерін қолдану оқушыларға ғылыми ұғымдарды түсіндіруді және олардың қабылдауын, сыни ойлатып, түсінуін жеңілдетуге мүмкіндік береді. 

Ақпараттық-коммуникациялық технологиялардың (АКТ) негізгі мақсаты – оқушыны қазіргі қоғам сұранысына сай , өзінің өмірлік іс-әрекетінде дербес компьютердің құралдарын қажетті деңгейде пайдаланатын жан-жақты дара тұлға ретінде тәрбиелеу. Білім беруде АКТ-ны пайдалану мен оқушылардың құзіреттілігін қалыптастыру, қазіргі заман талабына сай АКТ-ны, электрондық оқулықтарды және Интернет ресурстарды пайдалану оқушының білім беру үрдісінде шығармашылық қабілетін дамытуға мүмкіндік береді. АКТ-ны сабақта пайдалану кезінде оқушылар бұрын алған білімдерін кеңейтіп, өз бетімен шығармашылық тапсырмалар орындайды. Мен барлық сабақтарымда АКТ ны қолдануға тырысамын. Сонымен қатар

iMektep, BilimLand электронды оқулықтарын жиі пайдаланамын. Мен өзімнің сабақта қолданылатын әдіс тәсілдерімді

Бұқаржырау ауданы «Шешенқара орта мектебі КММ» інде өткен аудандық семинарда шеберлік сабақ көрсете отырып іс тәжірибемді бөлісіп қайтқан болатынмын.

Аудандық семинар 15.03.2017ж күні Бұқаржырау ауданы «Шешенқара орта мектебі КММ» өткен болатын. Семинардың

Тақырыбы: «Сабақ барысында сын тұрғысынан ойлау элементтерін пайдалана отырып оқушылардың функционалдық сауаттылығын дамыту»

Мақсаты: Сабақта сын тұрғысынан ойлау элементтерін қолдану арқылы функционалдық сауаттылықты дамыту

Сабақты «Шаттық шеңбері»

«Жүректен жүрекке»

(жақсы, көтеріңкі көңіл күйге шақыру) әдісі бойынша әріптестер қолдарынан ұстап шеңбер бойында өз есімдерін айта отырып бір –бірлеріне бүгінгі күнге сәттілік тілеп тілек айтып сабағымызды бастадық.

Шеңбер боймен әріптестерге түрлі түсті гүлдің қималары таратылады. Сол гүлдер арқылы үш топқа топтасты. 1-топ: сары гүл, 2- топ: көк гүл, 3- топ: қызыл гүл.

Тұсау кесер:

«Миға шабуыл» әдісі (слайдпен жұмыс) «Функционалдық сауаттылық» деген не? Деген сұрақ төңірегінде ой бөлісті. Әр топ флипчартқа берілген тапсырманы орындайды.

Әр топқа тақырып бойынша тапсырмалар берілді. «Ойлан бөліс» әріптестер топтасып талқылады. Функционалдық сауаттылықты әдебиет сабағында қолдану әдісі

1-топ: Берілген мәтін бойынша схема құр

2-топ: Мәтінді оқы. Ондағы тірек сөздерді тап.

3- топ: Мәтінді оқи отырып мәтінге қатысты емес сөздер болса тауып себебін түсіндір.

«Ойлан бөліс» әріптестер топтасып талқылады.

Екінші тапсырма «Функционалдық сауаттылықты қазақ тілі сабағында қолдану» әдісі

1-топ: Жалғасын тап

2-топ: Дұрыс орналастыр

3- топ: Дұрыс топтастыр

Берілген слайттармен жұмыс.

Әр топтан бір бір әріптестен тақтаға шығып слайдта берілген тапсырмаларды орындады.

iMektep электронды оқулық «Дұрыс орналастыр» ойынын ойнай отырып сергіту сәті өткізілді.

Интербелсенді тақта BilimLand. Интербелсенді тақта BilimLand арқылы дүниетану,қазақ тілі, әдебиеттік оқуда әрқолдануға болатын тапсырмаларды көрсетіп талданды. iMektep электронды оқулықты пайбалану арқылы функционалдық сауаттылыққа тән тапсырмаларды ашып талқылап бөлісуде. Әр топтан кезекпен кезек шығып электронды оқулықтағы тапсырмаларды ашып жұмыс жасады.

Презентация бойынша жұмыс. iMektep, BilimLand. электронды оқулықтарын өз сабақтарымда пайдаланып функционалдық сауаттылыққа тән тапсырмаларды оқушылардың қызығушылықпен жұмыс жасайтынын айта отырып өз сабақтарымнан үзінділер көрсетіп тәжірибе алмастым.

Әріптестер презентацияны көре отырып өз ойларын ортаға салып бөлісті.

Сабақты бекітуде әр топ бүгінгі сабақтан алған әсері жөнінде ортаға шығып ойларын бөлісеті.

Әріптестер тақтадағы кемпірқосақ суретіне өз есімдері жазылған стикерлерді желімдейді.Бұл арқылы бүгінгі сабақтағы көғіл күйлерін белгіледі.

Сабақ өз мәнінде өтті.