Сценарий открытия Декады калмыцкого языка

Сценарный план открытия Декады калмыцкого языка, посвященной Международному дню родного языка

 

Кен ахан күндлн келдг,

Кетркә баһчудан тевчн келдг,

Эвтнь тәвәд еңсгәр келдг

Эйлдг, һольшг хальмг келн. Самтанова София.

 

Холын цууд нернь туурсн,

Хортна өмн хорхан уурсн,

Иньгин зүрк таалулҗ келдг,

Иим сәәхн хальмг келн! Шарбаева Даяна.

 

Магтад келхләрн – өргәд оркдг,

Мааҗад келхләрн – шавтадг,

Яснла харһсн сумн болсн

Янзта хальмг келн! Нурнаева Эвелина.

 

Хальмг келн – мини келн,

Зөөрәс даву зөөр,

Хальмг келн – мини келн,

Зөвәс даву зөв. Дюрменов Рамзан.

 

Хальмг келн – мини келн,

Хазнас даву хазн,

Хальмг келн – мини келн,

Хааҗ болшго нарн! Манджиев Юрий.

 

 

- Күндтә мана багщнр болн сурһульчнр! Зая-Пандитын нертә Хальмг үндсни сойлын гимназьд нарт-делкән төрскн келнд нерәдсн өдр бүкл арвн хонгин туршарт давулгдхмн.

 

Лу сарин 15 – «Теегин болн Таңһчин өдр» (зургудын марһан);

Лу сарин 16 – «Бичәчнрин өдр» (бичкдүдт нерәдсн шүлгүд бичдг шүлгчнрин эрс – Элдшә Эрднь, Шугран Вера, Кукарека Григорий, Нуура Владимир болн 2022-гч җилд өөнән темдглҗәх бичәчнр – Эрнҗәнә Константин, Көглтин Дава болн Насна Җаңһр);

Лу сарин 17 – «Амн урн үгин зөөр» (шин үлгүрмүд даслһн, тәәлвртә туульмуд келлһн болн нань чигн);

Лу сарин 18 – «Баатрльг дуулвр «Җаңһрин» өдр» (магтал келлһн);

Лу сарин 21 – «Боорцгудын өдр» (боорцгудын кев-янзар кегдлмүдин марһан);

Лу сарин 22 – «Хальмг келнә багшнрин ил кичәлмүдин өдр»; Нарт делкән төрскн келнд нерәдсн арвн хонгин аш.

 

 

- Эңкр мана сурһульчнр!

Номан сәәнәр дастн,

Нәр-нааднд орлцтн,

Нег-негән тевчтн,

Нерән бичә һутатн!

Гимназистнрин нер дуудулҗ,

Тоомсрта сурһульчнр болтн!

Гем-шалтг угаһар

Герлтә хаалһар йовтн!

 

- Күндтә мана багшнр!

Җирһлин агчм болһниг

Җигтә сәәхн кевәр эдлҗ

Бас чигн кесг олн җилдән

Мадндан заавр, залмҗ болҗ бәәхитн

Олн бурхд өршәх болтха!