Программа летнего профильного лагеря с дневным пребыванием детей при школе

Муниципаль бюджет дөйөм белем биреү учрежденияһы

Яңы Күл урта дөйөм белем биреү мәктәбе

Балаларға өҫтәмә белем биреү, рухи һәм физик сәләмәтлектәрен нығытыу йүнәлешендә эшләүсе балалар ял итеү үҙәгенең программаһы

Толпар ял итеү үҙәге концепцияһы

“Толпар” - балаларға өҫтәмә белем биреү, рухи һәм физик сәләмәтлектәрен нығытыу йүнәлешендә эшләүсе балалар ял итеү үҙәге. Уның эшен муниципаль бюджет дөйөм белем биреү учрежденияһы Яңы Күл урта дөйөм белем биреү мәктәбе ойоштора.

Баланы туған мөхит - туған тел, халҡың тарихы, ижады, йыр-моңо, ғөрөф-ғәҙәте, йолалары тәрбиәләй. Был ял итеү үҙәгендә бер смена егерме бер көнлөк. Ошо арауыҡта бала өсөн туған мөхит булдырыу төп маҡсаттарҙың береһе итеп ҡуйыла. Бала рухи яҡтан сәләмәт тәрбиә алһын, республикабыҙҙың, тотош илебеҙҙең илһөйәр шәхесе булып үҫһен өсөн, үҙтәрбиәгә нигеҙ һалыу йүнәлешендә эшләйәсәк был ял үҙәге.

Аҙ ғына ваҡыт эсендә бала күңелендә ҡырҡа боролош яһау күҙҙә тотолмай, ул маҡсат ҡуйылмай ҙа. Ә аңына ыңғай яҡтан тәьҫир итеү, сәләмәт тормош алып барыуҙың мөһимлеген аңлатыу, кеше тормошта яңғыҙ йәшәй алмай, шуға күрә коллективта үҙеңде тотоу, һыйышып тыныс йәшәү принциптарына, сәмле ярыш, бәхәс алымдарына өйрәтеү ҙә һәр үткәрелгән сарала төп маҡсаттарҙың береһе итеп ҡуйыла.

“Толпар” отрядтарға түгел, ырыуҙарға бүленеп эшләй. Балалар тәғәйен ырыуҙарҙан тупланып, ырыу тарихын, шәхестәрен, боронғо шөғөлөн өйрәнеп, дөйөм халыҡтың рухи һәм матди ҡиммәттәрен өйрәнәсәк.

Төп маҡсат-туған телдә телмәр байлығын үҫтереү, башҡорт халҡының мәҙәниәтен, тарихын,йолаларын, балалар уйындарын, ижадын, спорт төрҙәрен өйрәнеү, музыка ҡоралдарында уйнап өйрәнеү, бороңғо шифалы ризыҡтарҙы әҙерләү серҙәренә төшөнөү, ырыу легендаларын өйрәнеү, халҡыбыҙ шәхестәре, сәнғәт әһелдәре менән танышыу.

Бурыстар:

Балаларҙа һәр төрлө уйындар аша тыуған илгә һөйөү тәрбиәләү;

Ырыу тарихы, йола уйындары һә байрамдары аша тотош халҡыбыҙ булмышын, йәшәйешен өйрәнеү;

Халыҡ йырҙары, бейеүҙәрен һәм уларҙың легендаларын өйрәнеү һәләтенә ярашлы дөрөҫ үҫеш йүнәлеше биреү;

Шифалы үҫемлектәрҙе танырға, йыйырға, һаҡларға, ҡулланырға өйрәтеү;

Үҫемлектәрҙең, бөжәктәрҙең, хайуандарҙың, башҡортса атамаларын өйрәтеү, атамалар менән бәйле һынамыштар, әйтемдәр, мәҡәлдәр, йомаҡтар өйрәнеү.

Ниндәй һөҙөмтәләргә өлгәшеү күҙҙә тотола:

Рухи сәләмәтлек тәрбиәләү өсөн үҙ халҡыңдың быуаттарҙан- быуаттарға күсә килгән рухи ҡиммәттәрен яҡшы белеү;

Республикабыҙға исем биргән башҡорт халҡының һәм быуаттар элек был ерҙәргә күсеп ултырған башҡа милләт вәкилдәренең тарихы, традицияһы тураһында мәғлүмәт алыу, интернациональ тойғо тәрбиәләү. Интернационализм патриотлыҡҡа нигеҙләнә, шул саҡта ғына кеше ысын мәғәнәһендә илһөйәр, толерантлы булып үҫә.Балала үҙ туған теленә, халҡына ҡарата һөйөү тәрбиәләүҙән башлау отошло.

Ял итеү үҙәгенең маҡсаттарынан һәм бурыстарынан сығып, тәрбиәселәр һәм әйҙәүселәргә булған талаптарҙа юғары: башҡорт телендә бик яҡшы һөйләшеү; тарихын, әҙәбиәтен, мәҙәниәтен, ижадын яҡшы белеү; йыр-бейеүгә маһир булыу.

КӨН ТӘРТИБЕ:

“Арғымаҡ” ял итеү үҙәге тәғәйен бер төбәккә урынлашҡанға тиклем йоҡонан тороу ваҡытының тәбиғәт торошона, сменаның ниндәй миҙгелгә тап килеүенә ҡарап үҙгәреүе ихтимал. Шуның өсөн көн тәртибенең 30 минутҡа иртәрәккә йәки һуңыраҡҡа алға-артҡа шылыуы ихтимал.

1.Йыйыныу

2.Күнекмәләр.

3.Иртәнге аш.

4. Ял өсөн ваҡыт Конкурстарға әҙерләнеү.

5. Конкурстарға әҙерләнеү, уйындар уйнау, түңәрәктәрҙә шөғөлләнеү.

6.Төшкө аш.

7.Көндәлек эшкә йомғаҡ яһау.

Толпар сменаһының программаһы

4 июнь

Толпарға килеү. Ырыу атрибуттарын өйрәнеү. Танышыу.

5 июнь

“Толпар” ял итеү үҙәген асыуға әҙерләнеү. Ырыу йырҙарын өйрәнеү.

6 июнь:Уйындар өйрән. Бөтә ырыуҙар уҙҙәренен ғаиләләре менән бейеү өйрәнеү.

7 июнь.

Ҡунаҡтар ҡаршылау. “Толпар ” ял итеү үҙәген асыу тантанаһы.

8 июнь.

1) Беренсе профессиональ башҡорт рәссамы Ҡасим Дәүләткилдеевҡа арналған ижади ярыштар кисәһе.

2) Ғаиләләр флэшмобы.

9 июнь. " Алло, беҙ таланттар эҙләйбеҙ!" конкурсы. Олимпия уйындарын асыу тантанаһы. Ырыуҙар араһында футбол ярышы. “Толпарҙағы йәйге ялым” темаһына мәҡәләләр конкурсы иғлан итеү.

10 июнь. Йырсылар Мәғәфүр Хисмәтуллин, Мәғәфүрә Сәлиғәскәрова исемендәге призға йырсылар ярышы. Түңәрәктәр эше. Ғаиләләр ярышы.

11 июнь. Аҡмулла исемендәге приз – иң оҫта шиғыр һөйләүсе уҡыусыға бирелә. Милли уйындар. Викторина. “Йәшел дауахана” операцияһы. Түңәрәктәр эше.

12 июнь. Рәсәй көнө. Рәсәй Федерацияһы һәм Башҡортостан Республикаһы гимндарын башҡарыусылар флешмобы. "Республиканды белэһенме?" - викторина.Үҙидаралыҡ көнө. Үҙидаралыҡ көнө. Ял итеүсе балалар, әсәйҙәр – әйҙәүсе, тәрбиәселәр - тәрбиәсе, әйҙәүселәр – балалар ролендә.Әйҙәүсе, тәрбиәселәрҙең концерты. Флешмоб “Мин – лидер!”

13 июнь. Ҡыпсаҡ ырыуы көнө. Иң яҡшы шиғыр һөйләүсегә конкурс. Ғаилә йылына арналанған ҡыпсаҡ ырыуы концерты. “Толпарҙағы йәйге ялым” темаһына мәҡәләләр конкурсына йомғаҡ яһау.

14 июнь. Мең ырыуы көнө. Асыҡ ишектәр көнө. Түңәрәктәр эше.

Музыка ҡоралдарында уйнау байрамы. Ҡурайсылар сығышы. Ғаилә йылына арналанған мең ырыуы концерты. Флешмоб “Ритайым”

15 июнь. Тамъян ырыуы көнө. Йәш бейеүселәр көнө. Рәшиҙә Туйсина, Мөхәммәт Иҙрисов исемендәге призға бейеүселәр ярышы. Флешмоб Таҡмаҡ әйтешеү. Ғаилә йылына арналанған тамъян ырыуының концерты.

16 июнь. Әкиәттәр иленә сәйәхәт. “ Һаумы ,һаумы әкиәт!”. Түңәрәктәр эше.

17 июнь. Гүзәллек көнө. Башҡортостан гүзәлдәре. “Толпар һылыуҡайы” әсәйҙәр һәм ҡыҙҙар конкурсы. Флешмоб “Эх, һеҙ матур ҡыҙҙар!”

18 июнь. Туған моңдар. “Заятүләк менән Һыуһылыу” эпосы нигеҙендә уйын. Ғашиҡтар көнө. Түңәрәктәр эше.

19 июнь. Әйле ырыуы көнө. Сәсәнлек мәктәбе. Түңәрәктәр эше. Концерт.

20 июнь. Башҡортса бейеү көйҙәренә заманса бейеү флешмобы. Түңәрәктәр эше. Урал батыр эпосын һәм ҡобайыр әйтеүселәр конкурсы. Атайҙар һәм әсәйҙәр балалары менән башҡараусылар ролендә. Ғаиләләр флэшмобы “Бейемәгән башҡорт юҡ!”.

21 июнь. Башҡортостан егеттәре көнө. “Толпар бөркөтө” атайҙар һәм малайҙар конкурсы. Флешмоб “Һай егеттәр, егеттәр, беҙҙең сая бөркөттәр!

22 июнь. Хэтер көнө. Үҫәргән ырыуы көнө. Ғаилә йылына арналанған үҫәргән ырыуы концерты.

23 июнь. Ағастарҙың, үҫемлектәрҙең башҡортса исемдәрФен беләһеңме? Лагерь территоряһына сәйәхәт. Флешмоб “Һау бул, Толпар!”

24 июнь.Ҡайтыу. Ырыуҙарҙың йомғаҡлау концерты.

Толпар балаларны ял иттереү, һауыҡтырыу һәм үҫтереү үәҙгенең

эш планы (4 – 24 июнь 2018 йыл)