Урок коми-пермяцкого языка «Существительнöй послелогкöт гижöм»

Уроклöн виззез

Велöтісьлöн удж

Велöтчиссезлöн удж

УУД формируйтöм

1 Класс öвсьöтöм. Бытшöм удж вылö туйдöтöм

Отсалö велöтчиссезлö настроитчыны урок вылö.

- Бур лун, челядь. Гусьöник пуксьö. Менö шуöны Любовь Геннадьевна, и ме талун сета тіян классын коми кыв урок.

- Урок вылын талун миян гöссез, но ми ог пондö нылісь повны. Уджавны пондам перыта, быдöс заданнеэсö пондам тыртны чожа, медбы быдöс ештыны керны. Лоам активнöйезöн.

Югыт юра, перыт кок!

Пуктö киэз парта вылö.

Велöтöмсö повторитны,

Знаннеэз öтлаö йитны,

Сюльзьыны-сернитны,

«Пяттез» получитны –

Сэтшöм талун миян мог.

Тшöктö гижны число, класснöй удж.

(СЛАЙД) - Гижам тетраддезö число, класснöй удж.

Уроклісь правилоэз петкöтöм.

- А урок вылын миян талун лоасö сэтшöм правилоэз: (СЛАЙД)

- Уджавны дружнöя;

- Лэбтыны ки;

-Не горöтлыны;

- Кужны сувтöтны урок помын оценка А медбы оценка вöлi бур, колö бура уджавны, быд заданне тыртны чожа и правильнöя.

Приветствуйтöны велöтiсьöс, гöссезöс, видзöтöны, быдöс ли эм нылöн урок кежö.

Гижöны тетраддезö число.

Челядь кывзöны велöтiсьöс и видзöтöны экран вылö.

Личностнöй:

зорöтны вниманнё урок вылö.

Коммуникативнöй:

планируйтны удж öтлаын велöтiськöт.

2. Одзза велöтöмсö повторитöм

Туйдöтö челядьöс уджавны одзлань, уськöтны тöд вылö одззася велöтöм материал.

Ыджыт царствоын, кыввез государствоын, эм страна морфология, кытöн олöны серни торрез. (СЛАЙД) Висьталö меным, кытшöм серни торрез олöны эта странаын?

- А кытшöм серни тор ордын тійö вöвліт одззася коми кыв уроккез вылын? (СЛАЙД)

Талун мийö сідз жö ветлам эта интереснöй странаö, кытöн олö существительнöй. Ветлам?

- А кыдз думайтат, мый мийö сэтчин пондам керны?

- Сідз жö урок сьöрна мийö тіянкöт пондам тыртны «кейс», кöда шусьö «Существительнöй» (СЛАЙД)

- А мыйöн мийö сэтчин мунам, тöдам юржугдан отсöтöн. (СЛАЙД)

Чудо юдо веж керку,

Сэтчин öддьöн уна челядь

Коккезас комкöт резина

Ветлö сія пыр безнинöн

- Чожöсь челядь, это автобус, мунам туйö автобусöн.

Корö челядьöс тыртны заданне, медбы мунны одзлань.

Но медбы мунны автобусöн, колö босьтны билет. А эта понда тыртам заданне параэзöн. Адззö кыввез таблицаись «тöв» тема вылö. (СЛАЙД)

- Кытшöм серни торöн лоöны эна кыввес? Висьталам правило, мый сэтшöм существительнöй. ( кейс вылын оссьöны понятиеэз «Серни тор», «Предмет», «Кин?» « Мый?» Кейс пондіс тырны. (СЛАЙД)

Чожöсь. Билеттэс автобус вылö босьтöмöсь, вöрзям туйö. Но миян абу автобус нуöтісь. Давайте бöрьям мортöс, кöда лоас миян водительöн эта урок вылын. Кин лоас?

Корö челядьöс уджавны группаын. Направляйтö, дополняйтö, корö вайöтны тöдöм знаннеэсö системаö.

- Одзаным медодзза остановка. (СЛАЙД) Шусьö сія «Ме тöда». Уджалам группаын.

Янсöтö сетöм кыввез кык группа вылö. Уськöтö тöд вылö велöтöм правилоэз.

1 группа: Велöтчись, екыш, пань, керку, йöр, поз, кöч, дубас, пон, чери. (Кейс вылын оссьöны кыввез «Одушевленнöй» да «Неодушевленнöй»

2 группа: Кудымкар, быдмас, Иньва, му, Россия, Иван, акань, Рыжко, горт, кань. (Кейс вылын оссьöны кыввез «Собственнöй» да «Нарицательнöй»

3 группа: Коччез, дед, паннез, пуэз, сертни, кыдз, пон, ерттэз, видз, дзоридззез.(Кейс вылын оссьöны понятиеэз «Единственнöй число» да «Множественнöй число»

Чожöсь.

Кейслöн дон эшö содіс. Водитель, иньдöтчам одзлань.

Сетöны ответтэз юасьöммез вылö.

-существительнöй, прилагательнöй, числительнöй, местоименне, глагол.

- Существительнöй ордын

Повторяйтны, закрепляйтны велöтöм материал, а сідз жö тöдам эшö мыйкö вильö эта серни тор йылісь

Челядь уджалöны параэзöн, адззöны таблицаись кыввез тöв тема вылö.

Лым, мороз, лымчир, тöв, дадь, лыжа, пась, пими, февраль

Существительнöй – это серни тор, кöда мыччалö предмет да сетö ответ кин? да мый? юасьöммез вылö.

Уджалöны куим группаын, уськöтöны тöдвылö велöтöм материал.

Существительнöйез, кöдна мыччалöны ловья предметтэз, сетöны ответ кин? юасьöм вылö, шусьöны одушевленнöйезöн. Мöдік существительнöйез сетöны ответ мый? юасьöм вылö шусьöны неодушевленнöйезöн.

Отирлöн, подалöн, деревняэзлöн, юэзлöн, каррезлöн, ниммез – это собственнöй существительнöйез. Нія гижсьöны ыджыт буквасянь. Мöдік существительнöйез шусьöны нарицательнöйезöн.

Единственнöй числоа существительнойез мыччалöны öтік предмет. Множественнöй числоа существительнöйез мыччалöны уна предметтэз.

Коммуникативнöй:

кывзыны и вежöртны мöдiккезöс, кужны висьтавны ассиныс мненнё, сетны ответ велöтiсь юасьöммез вылö.

Коммуникативнöй:

Кужны кывзыны öтамöдöс, уджавны диалогын, висьтавны ассис мненнё.

Коммуникативнöй:

Кужны уджавны группаын, кывзыны öтамöдöс, уджавны диалогын, висьтавны ассис мненнё.

Зорöтны навыккез группаын уджалöмын;

3. Тема да мог петкöтöм. Виль тöдöммез осьтöм.

Корö тыртны удж.

Отсалö петкöтны велöтчиссезлö уроклісь велöтчан моггез.

Иньдöтчам одзлань. (СЛАЙД) Локтім мöдік остановка вылö, кöда шусьö «Гижись» Эстöн колö тыртны сэтшöм заданне. Тіян одзын серникузяэз. Но сэтöн оз тырмö кытшöмкö кыввез. Тіянлö колö энö кыввесö содтыны, быд серникузясö гижны, медбы петіс бытшöм висьт. Гижö кыввесö листтэз вылö.

Катя пукаліс öшын … . Öшын … öшаліс кайдозок. Сы … пукалісö пистöг да рудкай. Нія кокалісö дозок … сю туссез.

- Лыддьöтам, мый петіс. Мый бы волі, если бы эна колана кыввес эз вöлö? А кин висьталас, кыдз нія шусьöны? Послелоггез. Кытшöм кыввезкöт ордчöн сулалö послелог? Существительнöйкöт. А кин висьталас мый мийö талун вильсö тöдам урок вылын?

Кытшöм мог ми сувтöтам урок вылö. Кырöвтö öтік кырöлöн послелоггез. Висьталö, кыдз нія гижсьöны существительнойезкöт? Осьтам небöггез. Лыддьöтам правило стр. 72 вылісь

Чожöсь!

Орсан чулöтöм.

Иньдöтчам одзлань. (СЛАЙД) Куимöт остановка «Орсан». Сувтам, чулöтам физминутка. Ме понда висьтавлыны кыввез, ежели сэтчин пантасяс послелог, чеччöвтыштам, ежели абу, пуксьыштам.

Керку вылын, школа дынын, ыджыт кар, вылын шогді, йöр сайын, ыджыт гор, гор вевдöрын, веськыт ыб, ыб весьтын, пызан пöв, пызан вылын, ю дорын, ю саяс. Чожöсь.

Тыртöны сетöм удж.

Висьталöны уроклісь тема да моггез

- Велöтчöны пыртны серниö колана послелоггез

Сетöны ответтэз юасьöммез вылö.

Серниыс бы вöлі невежöртана, небасöк.

Тöдсасьöны, мый сэтшöм послелоггез , кыдз нія гижсьöны существительнöйкöт, вежöртöны нылiсь значеннёэз.

Челядь орсан пырйöт велöтчöны кывны серниись послелоггез.

Познавательнöй:

Быдкодь способбезöн адззыны велöтчан моггез, петкöтны уроклiсь тема.

4. Медодзза вежöртöмсö повторитöм

Отсалö закрепитны кужöммез и тöдöммез виль тема сьöртi быдкодь заданнеэз тыртöм пырйöт.

Мунам одзлань. (СЛАЙД) Остановка «Серпас». Тіян одзын серпас. Висьталам кыввез, кöдна отвечайтöны мый? юасьöм вылö. Заданне – Адззö места быд предметлісь. Ме понда юасьны, тійö гижны запятöйез пырйöт существительнöй послелогкöт. Кытöн пукалö кань? Кытöн куйлö пес? Кытöн öшалö чышкöт? Кытöн пусьö шыд?

Проверитам гижöмсö.

Кыдз гижсьöны существительнöйез послелогкöт» (Кейс вылын осьтам медбöрья кыввез «Послелог существительнöйкöт гижсьö торйын»

Чожöсь.

Тыртöны быдкодь заданнеэз. Закрепляйтöны

кужöммез и тöдöммез виль тема сьöртi.

(Гор вылын? гор одзын , гор бокын, гор пытшкын)

Познавательнöй:

кошшыны и адззыны быдкодь решеннёэз уджжез кертöн.

Регулятивнöй:

адззыны аслас уджись ошибкаэз.

5. Виль тöдöм системаö вайöтöм.

Корö тыртны мöдік заданне. Организуйтö самостоятельнöй удж велöтчиссезлiсь. Тшöктö проверитны тыртöм заданнесö öтамöдлісь.

Организуйтö самостоятельнöй удж велöтчиссезлiсь.

- Мунам одзлань. (СЛАЙД) Мöдік остановка «Небöг» Адззам небöгись удж 201. Уджалам самостоятельнöя. Лыддьöтö серникузяэз, точкаэз туйö сувтöтö послелоггез. Гижö серникузяэсö тетраддезö

- Вежсьö тетраддезöн, Проверитö керöм заданне öтамöдлісь эталон сьöрті. (СЛАЙД)

Узьöны лым увтын му и вöр. Шогді шепьясьö ыб вылын. Горби одзын мам быд асыв дзöрö. Школаын челядьлö висьтасисö дедö йылісь. Ыджыт лун кежö бабöкöт мичöтим кольттез.

(СЛАЙД)

Сувтöтö оценка. Ежели быдöс сідз, кыдз образец вылын, оценка «5», Ежели эм öтік сорасьöм, оценка «4», если кык, оценка «3». Чожöсь.

Лыддьöтöны упражненнеись заданне, выполняйтöны уджсö тетраддезö.

Чулöтöны взаимопроверка.

Эталон сьöртi тэчöны öтамöдлö оценкаэз

Личностнöй:

донтны ассис удж.

Коммуникативнöй:

Кужны уджавны öтлаын, параын.

6. Уджлö дон сетöм. Итог урок сьöрті керöм

Организуйтö рефлексия, медбы велöтчиссез вермисö донтны ассиныс уджсö. Тшöктö сувтöтны оценка урок понда öтамöдлö.

(СЛАЙД)

- Вот мийö и локтім медбöрья остановка вылö, кöда шусьö « Существительнöй» - Мый мийö тöдім эта урок вылын? Кейс, кöда шусьö существительнöй, тырис. И ме надейтча, что и тіян тöдöммез эта серни тор йылісь содісö.

А öні донтö ассиныт удж. Если урок вылын уджаліт бура, тöдіт мыйкö вильсö – мыччалö сералан чужöмок.

Если урок сьöрна мыйкö эд вежöртö, чужöмок гажтöм.

Если нем эд вежöртö, оліт весь – лöг чужöмок.

Чожöсь. Аттьö урок понда. Адззисьлытöдз.

Челядь сетöны ответтэз велöтiсь юасьöммез вылö. Донтöны ассиныс удж. Сувтöтöны оценкаэз

Познавательнöй:

вайöтны кужöммез системаö.

Регулятивнöй:

кужны петкöтны уроклiсь сiйö торсö, кöдö вежöртiсö.

Коммуникативной: кужны сувтöтны оценка öтамöдлö.

Личностнöй:

донтны ассис удж.